Di!

Iby’urukundo

Ni amayobera

Umuntu uramukunda, akaguhinda

Ukamukunda, akagukundura

Ukamutaka, akagutuka

Ukamwiha, ahakwihakana

Ukamusekera, akagutakira

Ukamukomangira, ati “Dore icyomanzi”

Ukamunanura, akakunaniza

Ukamusingiza, akagusaza

Ukamwinginga, akakwigarika

Ukamutumira, akagutamaza

Ukamusaba, akagusiba

Akakwiyama, akakwiyima

Ukababuka, ukababara

Ukarwana, ukarwara

Ukaremba, ukarerembura

Ukabura amazi, ukubura amaso

Ukagwa ku yandi

Yuzuye ubwuzu

Arakurebye, arakurwaje

Ntacyo asaba, ntacyo uyaha

Agatima kawe kagatuza

Kakongera kakitoza

Kakira kagakunda.

Na none.

Undi ariko.

Undi mwiza kurusha uwa mbere di!

Undi utuje di!

Undi ugutetesha di!

Undi ugutonesha di!

Undi ushishoza, di!

Undi muri byose.

Ukicara ugatekereza uti

Kare kose najyaga he?

Humura wagombaga kuhajya.

Wari ugiye kwiga gukunda wubaha.

Kubabara birababura,

Bikabobeza amababa y’ubushishozi.

Kubabara byigisha kutababaza.

Kubabara biba bihishe umunezero.

 

 

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s